U Biełarusi źjaviŭsia novy servis dla anłajn-płaciažoŭ
U Biełarusi pačaŭ pracavać novy servis dla pryjomu anłajn-płaciažoŭ PayPro, jaki zapuściŭ Bankaŭski pracesinhavy centr, piša Office Life.
Fota: mpos.by
Hałoŭnaja asablivaść płatformy — mahčymaść padklučyć internet-ekvajrynh biez abaviazkovaj štomiesiačnaj płaty. Pradprymalniki buduć apłačvać tolki paśpiachova praviedzienyja płaciažy. Padklučeńnie servisu zajmaje da troch pracoŭnych dzion.
PayPro pryznačany najpierš dla internet-kram, słužbaŭ dastaŭki i arendy, turystyčnych kampanij, hatelaŭ, adukacyjnych prajektaŭ, a taksama servisaŭ pa prodažy kvitkoŭ i padarunkavych siertyfikataŭ.
Praz servis možna prymać płaciažy ad klijentaŭ z roznych krain. Jon padtrymlivaje raźliki ŭ biełaruskich rublach, dalarach ZŠA i jeŭra, pracu z kartkami rasterminoŭki, a taksama prapanuje asabisty kabiniet dla biznesu, biaspłatny płaciežny modul dla sistem kiravańnia sajtami i techničnuju padtrymku.
Kab padklučyć internet-ekvajrynh praz PayPro, nieabchodna pakinuć zajaŭku na sajcie servisu abo źviarnucca da jaho mieniedžaraŭ. Ciapier płatforma supracoŭničaje z šaściu bankami-ekvajerami. Pamier kamisii zaležyć ad banka i typu płaciežnaj kartki i składaje ad 1,3 da 2,9 pracenta.
Čytajcie taksama:
U Biełarusi ŭžo ŭ najbližejšy čas źjaviacca kryptabanki
U Biełarusi možna budzie raźličvacca pa QR-kodzie
Bank BiełVEB uvioŭ kamisiju za pryjom najaŭnych rasijskich rubloŭ
U Biełarusi zapracavaŭ miedpartał. Zaraz źviestki svajoj miedycynskaj karty možna prahladać anłajn