Kali zapuściać novuju darohu ŭ Kaladzičy i Hatava? Źjavilisia naviny
Zapusk novaha maršrutu dazvolić prybrać patok fur z MKAD, što krytyčna važna dla biaśpieki i razhruzki ruchu, asabliva ŭ składany zimovy pieryjad.
Ruch pa novaj darozie, jakaja złučyć dva bujnyja pryharady Minska, zapuściać da kanca hoda. Pra heta raspavioŭ hienieralny dyrektar Upraŭleńnia darožna-mastavoha budaŭnictva i dabraŭparadkavańnia Minharvykankama Uładzimir Łatuškin.
— Budaŭnictva padjaznoj darohi, jakaja złučyć Kaladzičy i pasiołak Hatava — adzin z najvažniejšych infrastrukturnych prajektaŭ dla stalicy. Zapuścić ruch pa joj my płanujem da kanca hoda. Novaja daroha dazvolić zaŭvažna razhruzić MKAD. Asabliva heta važna pierad zimovym pieryjadam. Praktyka pakazvaje, što mienavita ŭ hety čas hoda fury stvarajuć najbolšyja niazručnaści na MKAD, — paviedamiŭ Uładzimir Łatuškin.
Raboty pa budaŭnictvie novaj darohi startavali 4 miesiacy tamu, nahadvaje Realt. Niahledziačy na toje, što ŭ pramvuźle Kaladzičy pracujuć kala 100 kampanij (transpartnyja, łahistyčnyja i składskija pradpryjemstvy), pramoha vyjezdu na MKAD-2 u hetaha bujnoha pramysłovaha i łahistyčnaha vuzła da hetaha času nie było. Tamu vielikahruzam davodziłasia ruchacca ŭ abjezd praz kalcavuju.
Novaja daroha pavinna vyrašyć hetuju prablemu. Jana zabiaśpiečyć pramyja znosiny pamiž Kaladzičami i Hatavam, dazvolić hruzavomu transpartu chutčej dabiracca da MKAD-2 i častkova razhruzić kalcavuju darohu.
Budaŭnictva novaj darohi, jakaja złučyć pramvuzieł Kaladzičy i ahraharadok Hatava, idzie biez vychadnych.
Ahulnaja praciahłaść novaj darohi składzie kala 6,2 km. Daroha budzie vychodzić z vulicy Babuškina, prachodzić uzdoŭž čyhunki i vychodzić u ahraharadku Hatava na darohu N9034.
Płanujecca, što jana budzie dvuchpałosnaj z umacavanaj abočynaj, pa jakoj zmohuć jeździć viełasipiedysty. Akramia taho, na darozie praduhledžana čatyry aŭtobusnyja prypynki i placoŭka dla adpačynku.