Biełaruska padpaliła ŭłasny bałkon dziela baraćby z nasiakomymi
Ekstremalny łajfchak pa baraćbie z bałkonnymi škodnikami 62‑hadovaja žycharka Mahilova znajšła ŭ internecie i vyrašyła vykarystać jaho. Padrabiaznaści raskazali ŭ MNS.
Piensijanierka znajšła ŭ siecivie paradu pa dezinsiekcyi i vyrašyła vyprabavać jaje na praktycy.
Žančyna ščodra apracavała draŭlanyja ścieny svajho bałkona acetonam, paśla čaho bałkon padpaliła. Pary lohkaŭzharalnaj vadkaści imhnienna ŭspychnuli, abpaliŭšy nie tolki draŭlanuju ašaloŭku, ale i haspadyniu.
Zdareńnie adbyłosia ŭviečary 27 červienia, adnak paciarpiełaja nie stała adrazu vyklikać chutkuju dapamohu. U balnicu jana patrapiła tolki na nastupny dzień, kali jaje ŭ žachlivym stanie znajšła dačka, jakaja zajšła da maci.
Padraździaleńni MNS nie vyklikali — ahoń zhas sam, źniščyŭšy azdableńnie bałkona.