U Francyi ad śpioki zahinuŭ dalnabojščyk z Dokšycaŭ
Rodnyja — syn-śledčy i žonka-miedyk — arhanizoŭvajuć dastaŭku na radzimu cieła 54‑hadovaha Andreja Macala.
Andrej Macal. Fota: vajbier
Stała viadoma pra śmierć u Francyi biełaruskaha dalnabojščyka Andreja Macala. Jon pamior 24 červienia 2026 hoda. U toj dzień tempieratura pavietra ŭ Francyi ŭzdymałasia da 44 hradusaŭ.
Andrej Macal naradziŭsia ŭ 1972 hodzie. Skončyŭ škołu ŭ Dokšycach, a taksama Kalininhradskaje marachodnaje vučylišča (ciapier — Kalininhradski marski rybapramysłovy kaledž). Doŭhi čas pracavaŭ dalnabojščykam.
Jaho žonka Taćciana pracuje ŭ paliklinicy Dokšyckaj centralnaj rajonnaj balnicy. A voś syn Daniła skončyŭ Akademiju MUS i pajšoŭ u śledčyja. U 2019‑m jon uładkavaŭsia ŭ Dokšycki rajonny adździeł Śledčaha kamiteta. Daniła raskazvaŭ, što jaho kumir — Raman Šyłaŭ — piersanaž z rasijskaha sieryjała «Mientaŭskija vojny».
Daniła Macal, syn pamierłaha dalnabojščyka. Fota: dokshitsy.by
Čakajecca, što cieła Andreja Macala pryviazuć u rodnyja Dokšycy ŭ kancy tydnia. Tady ž budzie arhanizavana raźvitańnie i pachavańnie.