U Dziatłavie ŭ adnym z budynkaŭ znajšli try kiłahramy rtuci
Padčas rekanstrukcyi budynka na vulicy Pieramohi ŭ Dziatłavie rabočyja znajšli šeść hiermietyčnych jomistaściaŭ z rtućciu ahulnaj masaj kala 3 kiłahramaŭ.
Zdymak ilustracyjny. Fota: magnific.com
Niebiaśpiečnaje rečyva znachodziłasia ŭ piaci płastykavych i adnoj šklanoj jomistaściach, schavanych u ścianie na pieršym paviersie dvuchpaviarchovaha budynka.
Pavodle infarmacyi MNS, u vyniku zdareńnia nichto nie paciarpieŭ. Supracoŭniki viedamstva kanfiskavali rtuć dla jaje biaśpiečnaj ŭtylizacyi.