Vučyč zajaviŭ, što praź niekalki tydniaŭ padaje ŭ adstaŭku
«Heta apošni raz, kali ja źviartajusia da takoj kolkaści ludziej u jakaści prezidenta».
Alaksandr Vučyč. Fota: AP Photo / Darko Vojinovic
Prezident Sierbii Alaksandr Vučyč na mitynhu «Sierbija — adna siamja» zajaviŭ, što praź niekalki tydniaŭ padaje ŭ adstaŭku.
Vučyč byŭ prezidentam Sierbii z 2017 hoda. Da kanca jaho druhoha termina zastavaŭsia jašče hod.
«Heta apošni raz, kali ja źviartajusia da takoj kolkaści ludziej u jakaści prezidenta. 14 hadoŭ ja addana słužu svajoj krainie na kožnym miescy i ŭ kožny momant. Ja lublu Sierbiju bolš za ŭsio na śviecie», — skazaŭ jon.
«Jašče niekalki tydniaŭ ja budu prezidentam, a potym padaju ŭ adstaŭku.
Ja skazaŭ staršyni Sierbskaj prahresiŭnaj partyi, što na budučych vybarach, kali jany hetaha pažadajuć, ja razam z vami dapamahu atrymać narodny davier. Majoj prapanovaj było, i jany jaje pryniali, što śpis budzie nazyvacca «Abjadnanaja Sierbija». Vieru, što my pieramožam ich bolš pierakanaŭča, čym kali-niebudź, my vyjdziem z tym, jak budziem dalej dapamahać našamu narodu, dzie b jon ni žyŭ. Ja pamiłuju mnohich ludziej. Nie zmahu ŭsich, ale ŭsich tych, chto praź niaviedańnie, nieaściarožnaść ździejśniŭ niejkija dziejańni. Zaplušču vočy. Mianie nie treba prybirać, ja sam sydu», — skazaŭ Vučyč.