Ź biełaruskich ciažkaatletaŭ źniali ŭsie spartyŭnyja abmiežavańni
Vykanaŭčy saviet Mižnarodnaj fiederacyi ciažkaj atletyki (IWF) pryniaŭ rašeńnie źniać usie raniejšyja abmiežavańni dla biełaruskich spartsmienaŭ. Ciapier biełaruskija ciažkaatlety ŭsich uzrostavych katehoryj zmohuć udzielničać u mižnarodnych spabornictvach pad ehidaj IWF.
Zdymak ilustracyjny. Fota: magnific.com
U fiederacyi adznačyli, što rašeńnie pryniata ŭ adpaviednaści ź niadaŭnimi rekamiendacyjami Mižnarodnaha alimpijskaha kamiteta.
Raniej u 2026 hodzie ŭdzieł u mižnarodnych turnirach užo byŭ dazvoleny biełaruskim junakam i junijoram. Ciapier hetaje rašeńnie raspaŭsiudžvajecca i na darosłych spartsmienaŭ. Udzieł u spabornictvach budzie ažyćciaŭlacca ŭ adpaviednaści ź dziejnymi kryteryjami i patrabavańniami IWF.
Raniej pra źmiakčeńnie abmiežavańniaŭ u dačynieńni da biełaruskich spartsmienaŭ paviedamiŭ Mižnarodny alimpijski kamitet, paśla čaho padobnyja rašeńni pačali prymać šerah mižnarodnych spartyŭnych fiederacyj.
Čytajcie taksama:
Piatkievič raspaviała, što budzie ź vidami sportu, jakija nie dajuć vyniku
Mižnarodny sajuz ravarystaŭ źniaŭ abmiežavańni ź biełarusaŭ
Mižnarodnaja fiederacyja studenckaha sportu źniała ŭsie abmiežavańni ź biełarusaŭ