Za biełaruskuju manietu naminałam 50 rubloŭ prosiać 2150 dalaraŭ

Na internet-placoŭcy eBay źjaviłasia ŭ prodažy pamiatnaja załataja manieta Nacyjanalnaha banka Biełarusi «Vožyk» naminałam 50 rubloŭ. Pradaviec z ZŠA acaniŭ jaje ŭ 2150 dalaraŭ, zaŭvažyła vydańnie Myfin.by.

Manieta była ŭviedziena ŭ abaračeńnie ŭ 2011 hodzie. Razam ź joj pakupniku prapanujuć siertyfikat sapraŭdnaści.

Vysokaja cana tłumačycca nie naminałam, a jaje kalekcyjnaj kaštoŭnaściu. Manieta vyrablena z zołata najvyšejšaj proby ŭ jakaści «pruf», maje inkrustacyju bryljantam i była vypuščana vielmi abmiežavanym tyražom — usiaho 1000 asobnikaŭ.

Skrynšot z sajta ebay.com

Pavodle charaktarystyk Nacyjanalnaha banka Biełarusi:

• masa maniety — 7,78 h;
• masa čystaha zołata — 7,78 h;
• jakaść čakanki — «pruf»;
• inkrustacyja — 1 bryljant pamieram 0,8 mm (typ VS);
• dyjamietr — 25 mm;
• tyraž — 1000 ekzemplaraŭ.

Skrynšot z sajta Nacbanka

Varta adznačyć, što 2150 dalaraŭ — heta zapytanaja pradaŭcom cana, a nie aficyjna paćvierdžany rynačny košt. Faktyčnaja cana prodažu zaležyć ad popytu siarod kalekcyjanieraŭ i moža adroźnivacca.

Kamientary da artykuła