Pamiž Biełaruśsiu i Rasijaj puściać jašče niekalki pryharadnych ciahnikoŭ
Transhraničnyja pryharadnyja ciahniki ŭ budučyni mohuć złučyć Bransk z Homielem, a taksama Vialikija Łuki ź Viciebskam i Połackam. Pra heta ŭ svaim videazvarocie da ŭdzielnikaŭ Forumu rehijonaŭ paviedamiŭ prezident Rasii Uładzimir Pucin.
Zdymak ilustracyjny. Fota: «Naša Niva»
Pavodle słoŭ rasijskaha kiraŭnika, ciapier rehularnyja avijarejsy ŭ Biełaruś vykonvajucca ź dziesiaci rasijskich rehijonaŭ. Akramia taho, u krasaviku byli zapuščanyja transhraničnyja pryharadnyja ciahniki pa maršrutach Smalensk — Viciebsk i Smalensk — Orša.
Nastupnymi płanujecca adkryć čyhunačnyja znosiny pa maršrutach Vialikija Łuki — Viciebsk, Vialikija Łuki — Połack i Bransk — Homiel.
Taksama ŭ płanach — budaŭnictva vysakachutkasnaj čyhunačnaj mahistrali Maskva — Minsk.
Čytajcie taksama:
Ź Viciebska i Połacka płanujuć zapuścić novyja pryharadnyja ciahniki ŭ Rasiju
Pamiž Biełaruśsiu i Rasijaj zapuściać novyja pryharadnyja ciahniki
Čyhunačny maršrut ź Viciebska ŭ Smalensk bieź pierasadak zapuściać u śniežni
Pamiž Viciebskam i Smalenskam znoŭ pačnie chadzić pramy dyzielny ciahnik
Prajekt chutkasnaj čyhunačnaj mahistrali Maskva — Minsk padymajecca ŭ pryjarytetach