Łaŭroŭ admoviŭsia razumieć zajavy ZŠA pra adsutnaść damoŭlenaściaŭ z Pucinym u Ankorydžy
Słovy dziaržsakratara ZŠA Marka Rubia pra toje, što padčas sustrečy Uładzimira Pucina i Donalda Trampa na Alascy nie było dasiahnuta nijakich damoŭlenaściaŭ, patrabujuć udakładnieńnia, zajaviŭ u piatnicu kiraŭnik MZS RF Siarhiej Łaŭroŭ, piša Moscow Times.
Fota: Alexander Nemenov / Pool Photo via AP
Pavodle viersii Łaŭrova, u Ankorydžy, dzie amierykanski i rasijski prezidenty sustrelisia asabista ŭpieršyniu z pačatku vajny, ZŠA «pakłali na stoł» svaje prapanovy pa ŭrehulavańni, a Pucin ź imi «pahadziŭsia».
«Pucin, hledziačy na (Styviena) Uitkafa, jaki taksama tam znachodziŭsia, pačaŭ pieraličvać amierykanskija prapanovy punkt za punktam. Paśla kožnaha punkta jon u prysutnaści prezidenta ZŠA Donalda Trampa i dziaržsakratara Marka Rubia pytaŭsia ŭ Uitkafa, ci pravilna jon adznačyŭ tyja idei, jakija toj pryvoziŭ u Maskvu napiaredadni Ankorydža. Na kožnaje jaho pytańnie Uitkaf adkazvaŭ stanoŭča», — raspavioŭ Łaŭroŭ.
Čytajcie taksama:
Rubia: Na sustrečy Trampa i Pucina na Alascy nie było damoŭlenaściaŭ