Sabalenka i Šymanovič daznalisia supiernic pa Uimbłdonie
U piatnicu ŭ Łondanie adbyłosia losavańnie «Uimbłdona»-2026 u žanočym adzinočnym razradzie. Pressball.by prapanuje aznajomicca z parami pieršaha kruha.
Fota: Robert Prange / Getty Images
Pieršaja rakietka śvietu biełaruska Aryna Sabalenka sustreniecca z Teadoraj Kostavič ź Sierbii, jakaja prajšła kvalifikacyju. Joj 18 hadoŭ, i jana zajmaje 184‑ie miesca ŭ rejtynhu WTA.
U svaju čarhu Iryna Šymanovič, jakaja vyjhrała kvalifikacyju, u pieršym raŭndzie sustreniecca z pradstaŭnicaj Šviejcaryi Viktoryjaj Hołubič.
U minułym hodzie Sabalenka dajšła da paŭfinału Uimbłdona, dzie sastupiła amierykancy Amandzie Anisimavaj, a finał tenisnaha turniru zapomniŭsia tym, što Anisimava razhromna prajhrała Idzie Śviontak 0:6, 0:6.
Što da turniraŭ Vialikaha šlema, kudy ŭvachodziać Adkryty čempijanatu Aŭstralii, Rałan Haros, Uimbłdon i Adkryty čempijanat ZŠA, to Sabalenka dvojčy vyjhravała turnir u Aŭstralii i dvojčy ŭ ZŠA. Na Uimbłdonie jana trojčy hulała ŭ paŭfinale, ale ni razu da finału nie dabirałasia.
Zaraz adryŭ Aryny ŭ suśvietnym rejtynhu ad Aleny Rybakinaj składaje 947 bałaŭ. Sabalenka zajmaje pieršy radok z 19 kastryčnika 2024 hoda.