Žančyna pavieryła ŭ niaisny list i pieradała ašukancam usie svaje źbieražeńni i spadčynu
Z 54‑hadovaj žančynaj u miesiendžary źviazalisia nibyta supracoŭniki «Biełpošty» i paviedamili pra zakazny list z padatkovaj inśpiekcyi na jaje imia. Kab paskoryć jaho atrymańnie, žančynu pierakanali paviedamić kod z SMS.
Minčanka nazvała jaho, paśla čaho joj patelefanavaŭ nibyta supracoŭnik Ministerstva suviazi i paviedamiŭ, što raniej jana razmaŭlała z ašukancami, jakija ad jaje imia ažyćciaŭlajuć niezakonnyja finansavyja apieracyi.
Paśla ź joj źviazalisia falšyvyja pravaachoŭniki i nibyta supracoŭniki Nacbanka, jakija, pahražajučy kryminalnym pieraśledam, pierakanali žančynu zadekłaravać svaje źbieražeńni.
Žančyna pieradała kurjeru, ź jakim sustrełasia ŭ zahadzia vyznačanym miescy, 65 tysiač dalaraŭ i bolš za 7 tysiač jeŭra.
Častka hetych hrošaj była jaje asabistymi źbieražeńniami, a častku pakinuŭ u spadčynu baćka.
Kali ź joj pierastali vychodzić na suviaź, žančyna zrazumieła, što stała achviaraj ašukancaŭ, i źviarnułasia ŭ milicyju.