U Varšavie paciarpieŭ katastrofu lohkamatorny samalot
25 červienia kala 13‑j hadziny ŭ varšaŭskim rajonie Biemova pablizu aeradroma Varšava-Babicy i ekzamienacyjnaj placoŭki WORD adbyłasia katastrofa lohkamatornaha samalota, paviedamlaje Mejski Reporter.
Fota: miejskireporter.pl
Pavodle papiaredniaj infarmacyi, samalot išoŭ na pasadku, ale pa nieviadomych pakul pryčynach upaŭ za miežami ŭźlotna-pasadačnaj pałasy. Adrazu paśla sutyknieńnia ź ziamloj samalot zahareŭsia.
Na miesca zdareńnia byli nakiravanyja niekalki padraździaleńniaŭ pažarnaj słužby, bryhady chutkaj miedycynskaj dapamohi i viertalot pavietranaj słužby ratavańnia. Nad rajonam katastrofy padniaŭsia husty čorny dym, jaki byŭ bačny zdalok.
Paśla likvidacyi pažaru ratavalniki znajšli ŭ abłomkach dva mocna abharełyja cieły. Miarkujecca, što heta ludzi, jakija znachodzilisia na borcie samalota. Taksama paciarpieli dva čałavieki, što byli na ziamli ŭ momant padzieńnia pavietranaha sudna. Adnaho ź ich dastavili ŭ balnicu, druhomu miedycynskaja špitalizacyja nie spatrebiłasia.
Ciapier na miescy pracujuć adpaviednyja słužby, jakija vyśviatlajuć pryčyny i abstaviny avijakatastrofy.
Čytajcie taksama:
Rasijski stratehičny bambardziroŭščyk koštam 200 miljonaŭ dalaraŭ raźbiŭsia ŭ Irkuckaj vobłaści