Uzbrojenyja siły Ukrainy padniali ściah na Kinburnskaj kasie
Ukrainskija padraździaleńni paviedamlajuć pra adstupleńnie rasijan sa stratehična važnaj Kinburnskaj kasy. Hienštaba USU aficyjna pakul ničoha nie abviaščaŭ
Ukrainski ściah uźniaty kala vioski Pakroŭskaje. Pavodle infarmacyi apieratyŭna-taktyčnaj hrupoŭki «Adesa», heta stała mahčymym dziakujučy ahniavomu ŭdaru pa pazicyjach praciŭnika.
«Akupanty pakidajuć svaje abarončyja linii», — havorycca ŭ paviedamleńni.
Kinburnskaja kasa administracyjna naležyć da Mikałajeŭskaj vobłaści, ale prylahaje da Chiersonskaj. Ź jaje vyzvaleńniem biaśpiečniejšym zrabiŭsia b port Mikałajeva.
Z vyzvaleńniem kasy pahroza navisaje nad tyłam rasijskaj hrupoŭki na levabiarežžy Dniapra ŭ Chiersonskaj vobłaści. Adnak prasoŭvańnie ŭkraincaŭ moža być tolki pavolnym z-za kantrolu rasijan nad pavietranaj prastoraj na svajoj terytoryi. Zachad nie pastaviŭ Ukrainie dastatkova kompleksaŭ SPA, jakija mahli b trymać rasijskuju avijacyju na adlehłaści ad linii frontu.