Tramp zajaviŭ, što Zialenski davoli dobra spraŭlajecca ŭ vajnie z Rasijaj
«U jaho vydatnyja ludzi, u jaho jość bajcy».
Fota: Win McNamee / Getty Images
Donald Tramp zajaviŭ, što Uładzimir Zialenski «davoli dobra spraŭlajecca» ŭ vajnie z Rasijaj.
«Treba skazać, što jon śmieły, u jaho vydatnaje abstalavańnie, i ŭ jaho vydatnyja ludzi, u jaho jość bajcy», — skazaŭ Tramp u Biełym domie 24 červienia.
Raniej Tramp nieadnarazova kazaŭ, što ŭ Zialenskaha «niama kart na rukach», majučy na ŭvazie, što jon znachodzicca ŭ słaboj pazicyi ŭ supraćstajańni z Rasijaj.
Napiaredadni niekalki srodkaŭ masavaj infarmacyi sa spasyłkaj na krynicy paviedamili pra źmienu pazicyi Trampa adnosna vajny Rasii suprać Ukrainy.
Pavodle hetych paviedamleńniaŭ, jon staŭ bolš adkrytym da ŭzmacnieńnia cisku na Rasiju i navat, jak śćviardžajecca, padčas razmovy ź Zialenskim zaklikaŭ jaho dziejničać bolš rašuča, paviedamlaje Ukrainskaja słužba Radyjo Svaboda.