U Ivacevičach pabudujuć jašče adzin drevaapracoŭčy zavod

«Ivacevičdreŭ» płanuje ŭžo sioleta pačać budaŭnictva novaha zavoda pa vytvorčaści draŭniana-stružkavych plit (DSP). Pra heta paviedamiŭ hienieralny dyrektar pradpryjemstva Alaksandr Ilnicki.

Fota ilustracyjnaje

Pavodle słoŭ Ilnickaha, prajekt znachodzicca na pačatkovaj stadyi i praduhledžvaje ŭźviadzieńnie zavoda mahutnaściu 600 tysiač kubičnych mietraŭ pradukcyi na hod. Jon uklučany ŭ Prahramu sacyjalna-ekanamičnaha raźvićcia Biełarusi na 2026—2030 hady.

Pradpryjemstva maje namier prystupić da realizacyi prajekta ŭžo ŭ hetym hodzie, a ŭvieści novy zavod u ekspłuatacyju płanujecca ŭ 2029 hodzie.

Jak adznačyŭ kiraŭnik kampanii, zapusk novaj vytvorčaści dazvolić značna pavialičyć abjomy vypusku pradukcyi, vyručku i ahulnuju prybytkovaść pradpryjemstva — nie mienš čym utraja.

Akramia taho, na «Ivacevičdrevie» aktyŭna realizujecca prajekt pa arhanizacyi vytvorčaści kuchonnych stalnic. Častka nieabchodnaha abstalavańnia ŭžo zakuplenaja, zaklučany kantrakty na pastaŭku nastupnych partyj techniki.

Pavodle płanaŭ pradpryjemstva, vytvorčaść kuchonnych stalnic moža być zapuščana prykładna ŭ siaredzinie nastupnaha hoda.

U kampanii raźličvajuć, što novy pradukt stanie dobrym dapaŭnieńniem da asnoŭnaj pradukcyi — draŭniana-stružkavych plit. Heta dazvolić prapanavać klijentam bolš kompleksnyja rašeńni i lepš zadavalniać patreby vytvorcaŭ mebli, asabliva ŭ siehmiencie indyvidualnych zakazaŭ.

Kamientary da artykuła