Ministarka ekanomiki va ŭradzie Cichanoŭskaj acaniła stan biełaruskaj ekanomiki jak pačatak stahnacyi
Padčas padrychtoŭki prajekta reformaŭ dziaržaŭnaha siektara kamanda Alisy Ryžyčenki praanalizavała finansavy stan kala 700 biełaruskich pradpryjemstvaŭ. Vyniki akazalisia tryvožnymi: amal 90% ź ich źjaŭlajucca stratnymi.
Fota: Ofis Śviatłany Cichanoŭskaj
Pradstaŭnica Abjadnanaha pierachodnaha kamiteita pa ekanomicy i finansach Alisa Ryžyčenka acaniła stan biełaruskaj ekanomiki jak pačatak stahnacyi, paviedamlajecca ŭ telehram-kanale APK.
Pavodle apošniaha prahnozu Suśvietnaha banka, rost VUP Biełarusi składzie tolki 1,1% u 2026 hodzie, 0,8% u 2027‑m i 0,7% u 2028-m. Pry hetym urad zajaŭlaje pra namier pavialičyć VUP na 16% za nastupnuju piacihodku.
Pavodle słoŭ Alisy Ryžyčenki, adnoj z hałoŭnych prablem zastajecca krytyčnaja zaležnaść biełaruskaj ekanomiki ad Rasii. Heta datyčycca nie tolki VPK, ale i hramadzianskaha ekspartu, abjomy jakoha naŭprost zaležać ad popytu na rasijskim rynku.
Zapavoleńnie rasijskaj ekanomiki ŭžo adbivajecca na Biełarusi. Pramysłovaja vytvorčaść demanstruje spad bolš čym na 3%.
Padčas padrychtoŭki prajekta reformaŭ dziaržaŭnaha siektara kamanda Alisy Ryžyčenki praanalizavała finansavy stan kala 700 biełaruskich pradpryjemstvaŭ. Vyniki akazalisia tryvožnymi: amal 90% ź ich źjaŭlajucca stratnymi.
Asabliva składanaja situacyja nazirajecca ŭ Viciebskaj vobłaści, dzie, pavodle acenki ekśpiertki, praktyčna ŭsie dziaržaŭnyja pradpryjemstvy pracujuć sa stratami.
«Kožny hod hetyja pradpryjemstvy patrabujuć usio bolš srodkaŭ ź biudžetu. Zamiest inviestycyj u navuku, technałohii i sacyjalnuju padtrymku dziaržava vymušanaja nakiroŭvać hrošy na padtrymku stratnych vytvorčaściaŭ», — adznačaje Alisa Ryžyčenka.