Čamu ŭ Minsku nie pabudujuć mietro ŭ «Paŭnočny Bierah»?
Budaŭnictva stancyi mietro kala novaha žyłoha kompleksu «Paŭnočny Bierah» u bližejšyja hady nie pačniecca. Treba čakać raźvićcia technałohij.
Jak paviedamiŭ staršynia Minharvykankama Uładzimir Kucharaŭ, miascovyja hrunty tut prosta nie dazvalajuć biaśpiečna prakładać padziemnyja tuneli.
— U hetaj častcy horada hrunty nie padychodziać dla budaŭnictva mietro. Kab stvaryć dla žycharoŭ «Paŭnočnaha Bieraha» zručnuju transpartnuju łahistyku, budzie zabiaśpiečany padvoz elektratranspartam da stancyi mietro na płoščy Banhałor. A kali z časam źjaviacca novyja technałohii, jakija dazvolać budaŭnictva mietrapalitena ŭ hetaj miascovaści, nie vyklučana, što haradskija ŭłady viernucca da hetaj temy, — skazaŭ Kucharaŭ.