U Čačersku žančyna atrymała traŭmy ŭ DTZ pa vinie muža. Ź jaho spahnali hrošy za jaje lačeńnie
U Čačersku sud abaviazaŭ matacyklista kampiensavać vydatki na lačeńnie svajoj žonki, jakaja atrymała ciažkija traŭmy ŭ DTZ pa jaho vinie. Suma spahnańnia pieravyšaje 19 tysiač rubloŭ, paviedamlaje prakuratura Homielskaj vobłaści.
Avaryja adbyłasia letam 2025 hoda. Mužčyna na matacykle Honda sprabavaŭ abahnać aŭtacysternu ŭ momant, kali hruzavik pavaročvaŭ naleva. U vyniku adbyłosia sutyknieńnie.
Žonka kiroŭcy, jakaja znachodziłasia na matacykle ŭ jakaści pasažyrki, atrymała ciažkija cialesnyja paškodžańni, niebiaśpiečnyja dla žyćcia. Jana bolš za 20 dzion prachodziła lačeńnie ŭ Homielskaj abłasnoj kliničnaj balnicy.
Dziejańni matacyklista byli kvalifikavanyja jak parušeńnie praviłaŭ darožnaha ruchu, jakoje pa nieaściarožnaści pryviało da ciažkich traŭmaŭ. Adnak kryminalnuju spravu spynili, bo paciarpiełaja admoviłasia pisać zajavu ab pryciahnieńni muža da adkaznaści.
Niahledziačy na heta, prakuratura źviarnułasia ŭ sud u intaresach miedycynskaj ustanovy z patrabavańniem spahnać košt lačeńnia. Sud całkam zadavoliŭ pazoŭ i pastanaviŭ spahnać z mužčyny bolš za 19 tysiač rubloŭ.
Čytajcie taksama:
Matacyklist-padletak sutyknuŭsia ŭ Minsku z mašynaj
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn