Biełarusaŭ papiaredzili pra pieraboi ŭ pracy bankaŭskich kartak
Pieraboi ŭ pracy kartak niekatorych bankaŭ mahčymyja ŭ noč na 23 červienia.
Zdymak ilustracyjny. Fota: Lookby.media
Z poŭnačy da 6:30 ranicy Bankaŭski pracesinhavy centr budzie pravodzić terminovyja raboty na svaim abstalavańni. U hety čas uładalniki kartak bankaŭ, jakija karystajucca pasłuhami centra, mohuć sutyknucca z časovymi abmiežavańniami ŭ absłuhoŭvańni.
Padčas praviadzieńnia rabot moža być niedastupnaja apłata kartkami, źjaviacca ciažkaści pry vykarystańni pryład samaabsłuhoŭvańnia, a taksama pry źniaćci najaŭnych hrošaj u bankamatach.
Banki prosiać klijentaŭ pastavicca da situacyi z razumieńniem i zahadzia ŭličyć mahčymyja niazručnaści.
Pasłuhami Bankaŭskaha pracesinhavaha centra karystajucca, u pryvatnaści, Biełarusbank, Biełahraprambank, Parytetbank, Bank Rašeńnie, Niea Bank Azija, Ceptar Bank, BSB Bank i šerah inšych finansavych ustanoŭ.
Čytajcie taksama:
U Nacbanku raskazali, kolki biełarusy nabrali pazyk u bankaŭ