26‑hadovy Maksim z Baranavič — novaja achviara vajny
Maci Maksima Hryharoviča šukaje tych, chto jaho bačyŭ apošni raz.
Maksim Hryharovič, pryžyćciovaje fota. Krynica: Adnakłaśniki
Maksim Hryharovič naradziŭsia ŭ 2000 hodzie ŭ Baranavičach. Pra rannija hody skazać, ułasna, niama čaho — zusim mała pažyŭ i ničym asabliva nie adznačyŭsia, aproč vielmi rańniaj sudzimaści — budučy pjanym, ašukaŭ taksista.
Dakładna zrazumieć, što adbyłosia, składana, tamu voś prosta aryhinał na pratakolnaj movie z bazy Belpol: «Hryharovič M.S. 22.09.2018 kala 05:13, u stanie ałkaholnaha apjanieńnia, kala kramy «Damašni» […] majučy namier zavałodać telefonam Ch., pakinutym apošnim u taksi, uvioŭ u zman kiroŭcu taksi i pierakanaŭ jaho ŭ tym, što telefon naležyć jamu asabista. Šlacham padmanu zavałodaŭ telefonam «XIAOMI REEDMI 5A DARK GREY» koštam 200 rubloŭ».
Dalejšy los u chłopca taksama nie skłaŭsia — jon staŭ šukać samarealizacyi nie tam i nie tak. Pajechaŭ vajavać za Pucina i šturmavać ukrainskija pazicyi na Limanskim kirunku ŭ składzie sumnaviadomaj v/č 12271.
Maksim Hryharovič na zadnim płanie. Fota: Adnakłaśniki
Rašeńnie chłopiec pryniaŭ napačatku 2026 hoda, prajšoŭ vučebku i źnik bieź źviestak.
Ciapier pa im u Baranavičach biaduje jaho maci Śviatłana, publikujučy fatahrafii syna ŭ vajskovaj formie na svajoj staroncy ŭ Adnakłaśnikach u nadziei, što niechta ź jaje biełaruskich siabroŭ zmoža dapamahčy adšukać syna va ŭkrainskim stepie.
Skrynšot, jaki maci zrabiła padčas adnaho z apošnich sazvonaŭ z Maksimam, pierad tym jak toj pajšoŭ na šturm. Fota: Adnakłaśniki