Žurnalista Alesia Lubienčuka paŭtorna asudzili, abviaścili «terarystam» — ale vyzvalili
U pieršy termin jon pravioŭ za kratami amal try hady. Ciapier — jašče amal hod.
Aleś Lubiančuk. Fota: BiełaPAN
KDB uklučyŭ u śpis «terarystaŭ» 38‑hadovaha byłoha žurnalista Alesia Lubienčuka. Jaho asudzili pa artykule 130 Kryminalnaha kodeksa — «raspalvańnie varožaści». Uklučeńnie ŭ śpis aznačaje, što prysud nabyŭ moc.
Pa infarmacyi «Viasny», Lubiančuk užo vyjšaŭ na svabodu — u mai 2026 hoda.
Dla byłoha žurnalista heta ŭžo druhi termin. Spačatku jaho aryštavali ŭ mai 2022 hoda. Za supracoŭnictva z «Biełsatam» jon atrymaŭ 3 hady kałonii — udzieł u dziejnaści «ekstremisckaha farmavańnia». Aleś Lubiančuk całkam adbyŭ termin u mahiloŭskaj kałonii i vyjšaŭ na svabodu ŭ studzieni 2025 hoda.
U žniŭni 2025 hoda jon byŭ aryštavany znoŭ. Chutčej za ŭsio, jamu prysudzili taki termin, kab pakarańnie abmiežavałasia časam, praviedzienym u SIZA.
Aleś Lubiančuk. Fota Baj.media