U Biełarusi pierastanuć tranślavać Discovery i Eurosport
«Biełtelekam» paviedamiŭ, što z 1 lipienia 2026 hoda ŭ pašyranych pakietach ZALA IPTV budzie spyniena tranślacyja tematyčnaha pakieta Discovery, a taksama kanałaŭ Discovery Channel, Eurosport 1 i Eurosport 2. Pryčynaj nazvanaje zaviaršeńnie terminu dziejańnia kantrakta z pravaŭładalnikam.
U jakaści zamieny apieratar prapanuje novy pakiet VIP HD, jaki budzie kaštavać 4,2 rubla ŭ miesiac zamiest 5,5 rubla za pakiet Discovery.
U skład novaha pakieta ŭvojduć:
- Viasat Nature/History HD — dla amataraŭ pryrody i historyi;
- TV1000 Premium, TV1000 Megahit, TV1000 Comedy i ViP Serial — dla hledačoŭ kino i sieryjałaŭ;
- spartyŭny kanał Viasat HD — dla žyvych tranślacyj i spartyŭnych padziej.
Takim čynam, paśla mnohich hadoŭ prysutnaści na biełaruskim rynku kanały Discovery i Eurosport źniknuć ź sietki najbujniejšaha pravajdara interaktyŭnaha telebačańnia krainy.