Pad Mahilovam Fiat źbiŭ dvuch darožnych rabočych — 23‑hadovy chłopiec zahinuŭ
Siońnia dniom na aŭtadarozie R-122 «Mahiloŭ — Čerykaŭ — Kaściukovičy» adbyłasia śmiarotnaja avaryja.
Pavodle DAI, 51‑hadovy kiroŭca za rulom aŭtamabila Fiat ruchaŭsia pa krajniaj pravaj pałasie. Padčas ruchu jon źbiŭ dvuch rabočych — mužčyny išli ŭ tym ža kirunku da miesca praviadzieńnia rabot.
23‑hadovy chłopiec zahinuŭ na miescy ad atrymanych traŭm. Jaho 41‑hadovy kaleha vyžyŭ, adnak atrymaŭ surjoznyja paškodžańni — jaho špitalizavali.
Aŭtainśpiekcyja nahadvaje piešachodam ab praviłach biaśpieki: pry adsutnaści tratuaraŭ ruchacca pa krai prajeznaj častki treba vyklučna nasustrač transpartu, kab svoječasova zaŭvažyć niebiaśpieku.