Padletak zmajstravaŭ niezvyčajny «Bulbamabil» — minaki nie dajuć jamu biez uvahi prajechać
U tytoku źjaviłasia videa z maładym vynachodnikam, jaki stvaryŭ ułasny elektramabil. Minaki i kamientatary dali niezvyčajnamu trochkołavamu elektratranspartu nazvu — «Bulbamabil».
Kanstrukcyja — heta hruntoŭna pierarobleny elektrasamakat.
Korpus i elemienty karkasa zrobleny z dreva, a dla kamfortu kiroŭcy staić paŭnavartasnaje siadzieńnie.
Technika maje try koły — dva śpieradu i adno zzadu, što robić bulbamabil bolš biaśpiečnym padčas ruchu.
Pavodle słoŭ stvaralnika, u teoryi hety aparat zdolny razhaniacca da 40 km/h.
Pra siabie vynachodnik kaža, što tolki što skončyŭ 11‑y kłas. Praz vysoki rost jamu ciažka było sabie niešta padabrać, tamu jon sam zrabiŭ techniku pad siabie.
Na raspracoŭku, zborku i testavańnie jaho pieršaha transpartu ŭ chłopca pajšło 8 miesiacaŭ.