Rasijskija drony atakavali cyvilnyja sudny ŭ Čornym mory: zahinuŭ marak-jehipcianin
Unočy 22 červienia rasijskija vojski ździejśnili masavanuju ataku ŭdarnymi BPŁA na cyvilnaje sudnachodstva ŭ Čornym mory. Pad udar patrapili try handlovyja sudny, jakija nakiroŭvalisia ŭ party Adeskaj vobłaści. Pra heta paviedamili kiraŭnik Adeskaj AVA Aleh Kipier.
Najbolš surjoznyja paškodžańni atrymaŭ suchahruz pad ściaham Panamy. Na jaho borcie paśla ŭdaru pačaŭsia pažar, ekipaž daviałosia evakujavać, a samo sudna ciapier staić na jakary.
U vyniku ataki zahinuŭ kuchar — hramadzianin Jehipta. Ahułam na borcie znachodzilisia dzieviać čałaviek — hramadzianie Jehipta, Turcyi i Indyi.
Drony taksama atakavali cyvilnyja sudny pad ściahami Pałaŭ i Bieliza. Na ščaście, tam abyšłosia biez paciarpiełych, karabli praciahnuli svoj šlach.
Ukrainski bok padkreślivaje, što takija metanakiravanyja ŭdary pa cyvilnaj infrastruktury i sudnachodstvie źjaŭlajucca čarhovym vajennym złačynstvam. Rasijskija ŭłady situacyju nie kamientavali.