Biełaruś uvachodzić u top-20 krain z samymi tannymi cyharetami

Partał Numbeo praanalizavaŭ košt adnoj pački cyharet Marlboro ŭ 99 krainach. Samyja tannyja cyharety ŭ červieni 2026 hoda akazalisia ŭ Nihieryi, tam adzin pačak kaštavaŭ 0,73 dalara, piša Thinktanks.pro.

Zdymak ilustracyjny. Fota: «Naša Niva»

Na druhim miescy raźmiaściŭsia Vjetnam, dzie možna kupić pačak Marlboro za 1,36 dalara. Treciaje miesca zaniaŭ Irak: 1,1 dalara.

Biełaruś zaniała 16‑ie miesca ŭ hetym rejtynhu z pakazčykam 2,89 dalara za pačak cyharet. Z susiedziaŭ bližej za ŭsio da našaj krainy raźmiaściłasia Ukraina — na 18‑m miescy z pakazčykam 2,90 dalara.

Astatnija krainy, jakija miažujuć ź Biełaruśsiu, zaniali nastupnyja miescy:

• Rasija: 28‑ie miesca (3,46 dalara);
• Polšča: 54‑ie miesca (5,74 dalara);
• Łatvija: 59‑ie miesca (5,92 dalara);
• Litva: 69‑ie miesca (6,38 dalara).

Samyja darahija cyharety akazalisia ŭ Aŭstralii, dzie pačka Marlboro kaštuje 35.70 dalara.

Kamientary da artykuła