U ZŠA admaŭlajuć, što Armuzski praliŭ znoŭ zakryty

Niahledziačy na zajavy Irana ab zakryćci Armuzskaha praliva, ruch sudnaŭ praz hetuju stratehična važnuju vodnuju arteryju praciahvajecca. Centralnaje kamandavańnie Uzbrojenych sił ZŠA paviedamiła, što sudnachodstva ŭ pralivie zastajecca adkrytym i biaśpiečnym.

 Zdymak ilustracyjny. Fota: Amirhosein Khorgooi/ISNA via AP

Pavodle amierykanskaha boku, za sutki praz praliŭ prajšli 55 handlovych sudnaŭ, jakija pieravieźli na suśvietnyja rynki bolš za 17 miljonaŭ baralaŭ nafty. U ZŠA adznačyli, što praciahvajuć zabiaśpiečvać svabodu sudnachodstva ŭ rehijonie i kantralavać vykanańnie dasiahnutych ź Iranam damoŭlenaściaŭ.

Taksama paviedamlajecca, što Sumiesny marski infarmacyjny centr paćvierdziŭ biaśpieku prachodu sudnaŭ pa vyznačanych maršrutach.

U toj ža čas iranskaje vajskovaje kamandavańnie 20 červienia znoŭ zajaviła pra zakryćcio Armuzskaha praliva, patłumačyŭšy heta nibyta parušeńniem damoŭlenaściaŭ z boku ZŠA i ŭdarami Izraila pa poŭdni Livana.

Akramia taho, prezident ZŠA Donald Tramp zajaviŭ, što Vašynhton moža ŭvieści dadatkovyja zbory dla sudnaŭ, jakija karystajucca Armuzskim pralivam, kali mirnyja pieramovy ź Iranam nie pryniasuć vyniku. Pavodle jaho słoŭ, takija płaciažy mohuć razhladacca jak kampiensacyja za harantavańnie biaśpieki sudnachodstva ŭ rehijonie.

Kamientary da artykuła