U Biełarusi źjaviłasia novaje biruzovaje voziera. Dzie jano?
Hłybinia voziera — kala 8 mietraŭ.
Biruzovaje voziera ŭ Łuninieckim rajonie. Kadry ź videa pradpryjemstva «Hranit»
U Łuninieckim rajonie źjaviłasia biruzovaje voziera — na miescy, dzie zdabyvajuć piasok dla budaŭnictva novaha mosta praz Prypiać pamiž Łuninieckim i Stolinskim rajonami.
Hłybinia voziera — kala 8 mietraŭ, a jarkaje biruzovaje adcieńnie vadzie nadajuć kaalinavyja parody.
Videa z novym vozieram apublikavała pradpryjemstva «Hranit», čyj ekskavatar tam pracuje.
Padobnyja biruzovyja vadajomy ŭ krainie jość na miescy miełavych karjeraŭ — naprykład, pad Vaŭkavyskam (ich nazyvajuć «biełaruskimi Maldyvami») i pad Lubańniu.
Novy most praz Prypiać płanujuć adkryć u 2027 hodzie. Heta budzie najkaraciejšy maršrut pamiž Stolinam i Łunincam, dastupny kruhły hod.