Kiraŭnik Dziaržpahransłužby Ukrainy asabista pravieryŭ achovu miažy ź Biełaruśsiu
Jon taksama naviedaŭ ciažkadastupnyja ŭčastki miažy, u tym liku zabałočanyja i vodnyja terytoryi Paleśsia.
V.a. kiraŭnika Dziaržaŭnaj pahraničnaj słužby Ukrainy Valeryj Vaŭryniuk ździejśniŭ rabočuju pajezdku ŭ padraździaleńni, jakija achoŭvajuć ukrainska-biełaruski ŭčastak miažy, paviedamlaje Dziaržaŭnaja pamiežnaja słužba Ukrainy.
Jon pravieryŭ arhanizacyju słužby pahraničnikaŭ va ŭmovach vajennaha stanovišča, źviarnuŭšy asablivuju ŭvahu na hatoŭnaść padraździaleńniaŭ reahavać na mahčymyja pahrozy i dalejšaje ŭmacavańnie abarončaha patencyjału.
Vaŭryniuk aznajomiŭsia sa stanam inžyniernaha ŭładkavańnia miažy i fartyfikacyjnaj infrastrukturaj u Vałynskaj i Rovienskaj abłaściach, a taksama z pracaj kamandna-naziralnych punktaŭ i asnaščeńniem vajskoŭcaŭ technikaj i ŭzbrajeńniem.
Kiraŭnik viedamstva taksama naviedaŭ ciažkadastupnyja ŭčastki miažy, uklučajučy zabałočanyja i vodnyja terytoryi Paleśsia, dzie aznajomiŭsia z asablivaściami arhanizacyi słužby va ŭmovach hustych lasoŭ i składanaha reljefu.