Miadźviedzieŭ zajaviŭ, što dla Rasii nijakich praviłaŭ u dačynieńni da Kijeva bolš niama
Taksama Miadźviedzieŭ zajaviŭ, što Haahskija kanviencyi pra zakony i zvyčai vajny bolš nie patrebnyja.
Fota: Ekaterina Shtukina / Sputnik / AP
Z-za častych atak USU na rasijskija harady dla Maskvy nijakich praviłaŭ u dačynieńni da Kijeva bolš niama i być nie moža, zajaviŭ były prezident Rasii, namieśnik staršyni Rady biaśpieki Dźmitryj Miadźviedzieŭ u Max, piša Bi-bi-si.
Pa jaho słovach, adzinym vyklučeńniem dla Maskvy źjaŭlajecca «naŭmysnaje, heta značyć zahadzia śviadomaje, źniščeńnie hramadzianskich asob».
Taksama Miadźviedzieŭ zajaviŭ, što Haahskija kanviencyi pra zakony i zvyčai vajny bolš nie patrebnyja. Hetyja dakumienty raździalajuć udzielnikaŭ vajennych dziejańniaŭ i mirnaje nasielnictva, rehłamientujuć praviły abychodžańnia z vajennapałonnymi, abaraniajuć pomniki kultury padčas vajny i h.d.
Zajava Miadźviedzieva była zroblena paśla samaj masiravanaj za apošnija dva hady ataki ŭkrainskich bieśpiłotnikaŭ na Maskvu i Padmaskoŭje, u chodzie jakoj pad udar trapiŭ, u pryvatnaści, staličny NPZ. Na zavodzie nichto nie paciarpieŭ, u vobłaści pry pažary ad udaru drona pa domie zahinuła dzicia.