Žycharka Śvietłahorska išła dadomu pjanaja, padała i pabiłasia. Mužu skazała, što jaje źbili i zhvałtavali
U Śvietłahorsku zaviali kryminalnuju spravu na 34‑hadovuju žančynu, joj pahražaje da 5 hadoŭ turmy za chłuśniu pra zhvałtavańnie.
34‑hadovaja žycharka rajcentra źviarnułasia ŭ milicyju z zajavaj, što jaje źbili i zhvałtavali. I toje samaje, jak piša «Homielskaja praŭda», jana raskazvała mužu. Adnak pravierka pakazała inšaje.
Pavodle milicyjantaŭ, napiaredadni žančyna była ŭ haściach, dzie mocna pierabrała z ałkaholem. Kali jana viartałasia dadomu napadpitku, to nieadnarazova padała i ŭ vyniku atrymała traŭmy. Kab rastłumačyć mužu svoj nieachajny vyhlad i cialesnyja paškodžańni, žančyna skazała, što stała achviaraj złačynstva.
Ciamiejny skandał skončyŭsia kryminalnaj spravaj za zaviedama iłžyvy danos. Žančynie pahražaje da 5 hadoŭ pazbaŭleńnia voli.