Parłamient Finlandyi admianiŭ zabaronu na raźmiaščeńnie jadziernaj zbroi
Papraŭki dazvalajuć impart, transpartavańnie i zachoŭvańnie jadziernaj zbroi ŭ vypadkach, kali heta nieabchodna dla zabieśpiačeńnia nacyjanalnaj abarony.
Budynak parłamienta Finlandyi. Fota: Ville Mannikko/Bloomberg via Getty Images
Parłamient Finlandyi ŭchvaliŭ zakon, jaki zdymaje zabaronu na ŭvoz, tranzit i zachoŭvańnie jadziernaj zbroi na terytoryi krainy, piša Bloomberg.
Za inicyjatyvu prahałasavali 125 deputataŭ, suprać vystupiŭ 61 parłamientaryj.
Papraŭki dazvalajuć impart, transpartavańnie i zachoŭvańnie jadziernaj zbroi ŭ vypadkach, kali heta nieabchodna dla zabieśpiačeńnia nacyjanalnaj abarony.
Pry hetym ułady Finlandyi paviedamili, što nie płanujuć raźmiaščać jadziernuju zbroju na svajoj terytoryi ŭ mirny čas.
Ministr abarony Finlandyi Anci Chiakianien zajaviŭ, što pryniaćcie zakona ŭmacoŭvaje abaranazdolnaść krainy i zabiaśpiečvaje mahčymaść paŭnavartasnaha vykarystańnia miechanizmaŭ jadziernaha strymlivańnia NATO dla abarony dziaržavy. Urad adznačyŭ, što pastanova pryniataja na fonie paharšeńnia situacyi ŭ śfiery biaśpieki ŭ Jeŭropie.