«Vielmi cikavyja zajavy sajuźnika Pucina». Kiraŭnik MZS Hiermanii adreahavaŭ na zajavy Łukašenki pra vajnu va Ukrainie
Ministr zamiežnych spraŭ Johan Vadeful miarkuje, što ŭžo ŭletku moža źjavicca mahčymaść pačać pieramovy ab spynieńni vajny Rasii suprać Ukrainy, piša Radyjo Svaboda.
Fota: Michael Kappeler/picture alliance via Getty Images
«Ciapier jość šaniec, miarkuju, užo hetym letam pačać pieramovy», — skazaŭ Johan Vadeful u intervju miedyjahrupie RTL.
Pavodle jaho, prezident Rasii Uładzimir Pucin moža być bolš adkrytym da dyjałohu, čym raniej. «Mahčyma, jon ciapier znachodzicca na takim etapie, kali surjozna zadumvajecca», — nie vyklučyŭ niamiecki ministr.
U hetym kantekście Johan Vadeful zhadaŭ zajavu Alaksandra Łukašenki, jakuju toj zrabiŭ u intervju telekanału Al Arabiya English, — «ni Rasija, ni Ukraina nie mohuć pieramahčy ŭ vajnie vajennym šlacham».
«Heta cikavaja zajava vielmi blizkaha sajuźnika Pucina», — adznačyŭ jon.
Kiraŭnik MZS dadaŭ, što «Ukraina ŭvieś hety čas była hatovaja da pieramoŭ» i što ciapier «Uładzimir Pucin pavinien vyrašyć — ci choča jon vieści pieramovy, ci dalej vajavać».
Johan Vadeful nahadaŭ, što Niamieččyna razam z Francyjaj i Vialikabrytanijaj taksama hatovyja ŭdzielničać u pieramovach ab zaviaršeńni vajny va Ukrainie.
Čytajcie taksama:
Łukašenka paprasiŭ prabačeńnia ŭ Zialenskaha
Łukašenka ŭpieršyniu zaklikaŭ i Rasiju «pajści na kampramis»