U Lepielskim rajonie dva čałavieki zahinuli padčas pažaru
U Lepielskim rajonie ŭ zharełaj chacie ratavalniki znajšli cieły dvuch zahinułych mužčyn, paviedamili ŭ Viciebskim abłasnym upraŭleńni MNS.
Skrynšot ź videa
16 červienia ŭnačy ŭ MNS pastupiła paviedamleńnie pra pažar u chacie ŭ ahraharadku Čarejščyna. Da momantu prybyćcia ratavalnikaŭ budynak užo byŭ całkam u ahni.
Rabotniki MNS padčas raźviedki znajšli cieły dvuch zahinułych mužčyn. Ahniom u chacie źniščany dach i stolevaje pierakryćcie, paškodžanyja ścieny. Na miescy pažaru pracavali čatyry adzinki techniki MNS.
Pryčyna trahiedyi vyśviatlajecca.