Biełaruskija kłuby daznalisia mahčymaje koła supiernikaŭ u pieršym raŭndzie jeŭrakubkaŭ
Siońnia viečaram projdzie losavańnie kvalifikacyi pieršaha raŭndu futbolnych jeŭrakubkaŭ. Biełaruś sioleta ŭpieršyniu za doŭhi čas z-za nizkaha rejtynhu pradstaŭlena nie čatyrma, a tryma kłubami.
Fota: uefa.com
Čempijon krainy «MŁ Viciebsk» startuje z kvalifikacyi Lihi čempijonaŭ, minskaje «Dynama» i ŭładalnik Kubka BATE — u Lizie kanfierencyj.
Pierad losavańniem futbolnyja kłuby padzielenyja na niekalki ŭmoŭnych padhrup, i supiernik dastaniecca ź ich.
«MŁ Viciebsk» trapiŭ u lik niasiejanych, to-bok kamand ź nizkim rejtynham, Mała taho, u kłuba naohuł samy nizki rejtynh z usich kłubaŭ, bo jon nikoli nie hulaŭ u jeŭrakubkach.
Mahčymym supiernikam «MŁ Viciebska» stanie adna z nastupnych siami kamandaŭ.
«Dryta» (Kosava), «Borac» (Bośnija), «Vikinhur» (Isłandyja), «Kajrat» (Kazachstan), «Univiersitacia» (Rumynija), «Kłakśvik» (Farery), «Pietrakub» (Małdova). Supiernik stanie viadomy a 17‑j padčas losavańnia.
U vypadku pieramohi kłub budzie hulać u druhim raŭndzie kvalifikacyi Lihi čempijonaŭ, u vypadku parazy atrymaje łrui šaniec u 2‑m raŭndzie Lihi kanfierencyj.
Mahčymyja supierniki minskaha «Dynama» ŭ Lizie kanfierencyj: «Sileks» (Paŭnočnaja Makiedonija), «Dynama Sici» (Ałbanija), «Virtus» (San-Maryna), «Mornar» (Čarnahoryja), «Marcašłoks» (Malta).
BATE zhulaje z kimści z nastupnaha śpisu: «Tarpieda» Kutaisi (Hruzija), «Vielež» (Bośnija), «Jelimaj» (Kazachstan), «Elbasani» (Ałbanija), «Pietravac» (Čarnahoryja). Samo losavańnie a 18-j.
Matčy pieršaha raŭndu Lihi čempijonaŭ adbuducca 7‑8 i 14‑15 lipienia, Lihi kanfierencyj 9 i 16 lipienia.
Letaś minskaje «Dynama» vybyła ŭ pieršym raŭndzie Lihi čempijonaŭ, prajhraŭšy bałharskamu «Łudahorcu», a potym u druhim raŭndzie Lihi kanfierencyj sastupiła ałbanskaj «Ehnacii».
Bresckaje «Dynama» vylecieła ŭ pieršym raŭndzie Lihi kanfierencyj, prajhraŭšy čarnahorskaj «Sućjescy», «Tarpieda-BiełAZ» u druhim raŭndzie prajhrała izrailskamu «Makabi» z Chajfy, hrodzienski «Nioman» dajšoŭ navat da płej-of kvalifikacyi Lihi kanfierencyj, dzie prajhraŭ budučamu finalistu turniru, ispanskamu «Raja Valjekana»;