Jarmošyna: Vybaraŭ 26 vieraśnia nie budzie
Kiraŭnik Centrvybarkama prakamientavała ŭčorašniuju infarmacyju pra pryznačeńnie prezidenckich vybaraŭ na 26 vieraśnia.
U interniecie pajšli hulać čutki, što byccam by 16 červienia pałata pradstaŭnikoŭ nacyjanalnaha schodu Biełarusi razhledzić na svaim pasiadžeńni prajekt pastanovy nižniaj pałaty ab pryznačeńni prezidenckich vybaraŭ. I ŭ adpaviednaści z prajektam hetaha dakumienta, padrychtavanym śpiecyjalna stvoranaj deputackaj hrupaj, prezidenckija vybary prapanoŭvajecca pryznačyć na 26 vieraśnia.
— Što vy, heta samaja sapraŭdnaja «kačka», — prakamientavała fakt «Narodnaj voli» staršynia Centrvybarkama Lidzija Jarmošyna.
— Ničoha takoha niama, i ja naohuł upieršyniu pra heta čuju. Heta niechta vyrašyŭ albo zapuścić pravakacyju, albo tannuju siensacyju. Ničoha takoha nie budzie, i bolš taho — ja absalutna ŭpeŭniena, što mianie pa mienšaj miery pastavili b u viadomaść i zaprasili b na pasiadžeńnie.