Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
U intervju telekanału «Al-Arabija» Alaksandr Łukašenka zajaviŭ pra mahčymuju asabistuju sustreču z prezidentam ZŠA Donaldam Trampam užo vosieńniu i akreśliŭ koła pytańniaŭ, jakija padčas jaje pavinny abmiarkoŭvacca.
Alaksandr Łukašenka. Fota: kremlin.ru
«Pierš čym sustrakacca z kimści, asabliva kali kiraŭniki dziaržaŭ sustrakajucca, treba razumieć, što budzie ŭ vyniku. Što, z Donaldam Trampam sustreŭšysia, my možam skleić, zvaryć. Kab ludzi atrymali adkaz: nu sustrelisia, i što?» — zajaviŭ Alaksandr Łukašenka.
Jon adznačyŭ, što na sustrečy z Trampam pavinna abmiarkoŭvacca nie tolki pytańnie vyzvaleńnia palitviaźniaŭ.
«U nas jość pytańni ambasad, u nas jość pytańni ekanamičnaha charaktaru, finansavaha. U nas šmat pytańniaŭ. Hetyja pytańni pavinny być u adnym pakiecie. I ŭ vyniku sustrečy dvuch prezidentaŭ pavinny być kali nie damoŭlenaści, to chacia b namioki na raźviazańnie hetych pytańniaŭ», — akreśliŭ koła prablem Łukašenka.
Čytajcie taksama:
Łukašenka ŭpieršyniu zaklikaŭ i Rasiju «pajści na kampramis»