Rasija ŭdaryła pa Kijeva-Piačerskaj łaŭry
U vyniku ŭdaraŭ pa Kijevie zahinuli čatyry čałavieki, kali 23 paranienyja.
Unačy byŭ naniesieny ŭdar pa stalicy Ukrainy. U vyniku pramoha traplańnia ŭźnik maštabny pažar na terytoryi Kijeva-Piačerskaj łaŭry, adnoj z hałoŭnych chryścijanskich śviatyń Ukrainy.
Fatazdymki apublikavaŭ pres-sakratar Kijeŭskaj mitrapolii Pravasłaŭnaj carkvy Ukrainy Jaŭstracij, paviedamiŭ Ukrinfarm.
U vyniku rasijskich atak na Kijeŭ zahinuli čatyry čałavieki, paviedamiŭ kiraŭnik Kijeŭskaj haradskoj vajennaj administracyi Cimur Tkačenka. Pavodle apošnich danych, ranieńni atrymali 23 čałavieki, siarod ich — dzicia.
Naohuł traplańni zafiksavanyja prynamsi pa 16 łakacyjach va ŭkrainskaj stalicy.