Rybinsk u ahni i čornym dymie — bieśpiłotniki atakavali stratehičnaje naftavaje schovišča
Ranicaj 14 červienia pad udar ukrainskich dronaŭ patrapiła Jarasłaŭskaja vobłaść Rasii. Metaj ataki ŭ horadzie Rybinsk staŭ kambinat «Temp» Rasreziervu sa stratehičnymi zapasami naftapraduktaŭ i paliva.
Pavodle paviedamleńniaŭ vidavočcaŭ, ataka była ździejśniena ranicaj, paśla čaho nad horadam uźnialisia try vieličeznyja słupy hustaha čornaha dymu, jakija zaciahnuli nieba.
Kambinat «Temp» źjaŭlajecca zakrytaj fiederalnaj dziaržaŭnaj ustanovaj i vykonvaje rolu stratehičnaj bazy-schovišča. Na im u vielizarnych abjomach zachoŭvajucca dziaržaŭnyja zapasy naftapraduktaŭ i paliva, pryznačanyja dla patreb rasijskaha vojska, čyhunki i ekstrannych słužbaŭ na vypadak nadzvyčajnych situacyj.
Heta ŭžo nie pieršaja sproba źniščyć abjekt — kambinat znachodziŭsia pad atakaj bieśpiłotnikaŭ paŭhoda tamu.
Na fonie ataki ŭ rehijonie byli pryniaty terminovyja miery biaśpieki. Pavodle rasparadžeńnia hubiernatara Jarasłaŭskaj vobłaści Michaiła Jeŭrajeva, ruch aŭtatranspartu pa mahistralach u bok Maskvy byŭ časova pierakryty. Infarmacyja pra dakładnyja maštaby pažaru i paciarpiełych udakładniajecca.
Taksama nočču byŭ atakavany bujny chimzavod «Azot» u Tulskaj vobłaści. Tam paśla sieryi vybuchaŭ pačaŭsia pažar.