Bierlinski bardel atrymaŭ ź biudžetu miljony jeŭra dapamohi ŭ suviazi z karanavirusam
Pry hetym seks-rabotnicy, zaniatyja ŭ Artemis, imavierna, uvohule nie atrymali hetych hrošaj.
Fota: Sebastian Gollnow/dpa (Photo by Sebastian Gollnow/picture alliance via Getty Images
Najbujniejšy bierlinski bardel Artemis padčas pandemii atrymaŭ subsidyi na sumu nie mienš za 1,75 miljona jeŭra — takija źviestki vydańnie Bild vyjaviła ŭ bazie danych ab dziaržaŭnaj dapamozie.
Vypłaty ažyćciaŭlalisia ŭ ramkach roznych fiederalnych prahram padtrymki ŭ suviazi z karanavirusam.
Pavodle rejestra, kampanija Artemis GmbH atrymała jak minimum piać tranšaŭ. Najbujniejšy ź ich — bolš za 620 tysiač jeŭra — byŭ vypłačany ŭ sakaviku 2021 hoda.
Uładalniki bardela admovilisia paviedamlać, na jakija mety byli vykarystany dziaržaŭnyja subsidyi i ci abaviazanyja jany viartać častku srodkaŭ. Pavodle infarmacyi na sajcie Artemis, žančyny, jakija tam pracujuć, źjaŭlajucca «samazaniatymi pradprymalnicami, što prapanujuć svaje pasłuhi za ŭłasny košt».
Vypłatu takich vialikich sum užo raskrytykavali ŭ prafsajuzie pry partyi «Chryścijanska-demakratyčny sajuz Hiermanii».
«Pakolki dapamoha bardelam u suviazi z karanavirusam finansujecca za košt padatkapłacielščykaŭ, ja čakaju dbajnaj pravierki hetych vypłat. My pavinny harantavać, što srodki nie trapiać va ŭstanovy, źviazanyja z prymusovaj prastytucyjaj abo handlem ludźmi», — zajaviła člen fiederalnaha kiraŭnictva Sajuza chryścijanska-demakratyčnych rabotnikaŭ Dahmar Kionih.