Iran zapatrabavaŭ $300 miljardaŭ na adnaŭleńnie ŭ ramkach pahadnieńnia z Trampam
Iran uklučyŭ u prajekt miemaranduma z ZŠA patrabavańnie ab vydzialeńni 300 młrd dalaraŭ na adnaŭleńnie ekanomiki. Pra heta paviedamlaje Mehr sa spasyłkaj na krynicy, znajomyja sa źmiestam dakumienta.
Fota: Majid Saeedi / Getty Images
Pavodle danych ahienctva, prajekt miemaranduma składajecca z 14 punktaŭ i praduhledžvaje pastupovuju narmalizacyju adnosin pamiž Tehieranam i Vašynhtonam.
Siarod klučavych patrabavańniaŭ Irana — poŭnaje skasavańnie sankcyj i marskoj błakady, razbłakiroŭka 24 młrd dalaraŭ zamarožanych aktyvaŭ, spynieńnie bajavych dziejańniaŭ u Iranie i Livanie, a taksama vyvad amierykanskich vojskaŭ z rehijonaŭ, raźmieščanych pablizu Irana.
Asobny błok pahadnieńnia datyčycca jadziernaj prahramy. Iran hatovy paćvierdzić prychilnaść da Damovy ab nieraspaŭsiudžvańni jadziernaj zbroi i pačać 60‑dzionnyja pieramovy pa vypracoŭcy kančatkovaha rašeńnia pa jadziernych pytańniach.
Pavodle infarmacyi Axios, u ramkach abmierkavanaha pahadnieńnia Iran taksama hatovy ŭziać na siabie abaviazacielstva nie stvarać jadziernuju zbroju i abmiežavać uzrovień uzbahačeńnia ŭranu pad kantrolem mižnarodnych inśpiektaraŭ.
Vydańnie adznačaje, što takija pałažeńni ŭ cełym adpaviadajuć patrabavańniam ZŠA adnosna iranskaj jadziernaj prahramy.