«Biełavija» ŭviała ŭ ekspłuatacyju apošni nabyty Airbus A 330‑200
U avijakampanii «Biełavija» pačynaje paloty bort EW-589PD. Ciapier u biełaruskaha avijapieravozčyka try dalokamahistralnyja samaloty Airbus A330-200.
Fota: «Biełavija»
«Šyroki siłuet, vytančanyja linii i EW-589PD, jaki pryhožy ŭ lubym rakursie.
Jašče adzin ulubioniec abjektyvaŭ pačynaje svaju lotnuju bijahrafiju!
Ciapier usie 3 Airbus A 330‑200 u šychtach Belavia», — paviedamiła pres-słužba avijakampanii.
Prezientacyja novaha typu pavietranaha sudna, jaki lotaje na vielmi dalokija adlehłaści i byŭ nabyty ŭ Hambii ŭ abychod sankcyj, adbyłasia ŭ Nacyjanalnym aeraporcie Minsk u červieni minułaha hoda. Pieršy dalokamahistralny rejs startavaŭ ź Minska na kitajski vostraŭ Chajnań, u horad Sańja. U druhoj pałovie 2025 hoda pieravozčyk uvioŭ u ekspłuatacyju druhi Airbus A330-200, a voś ciapier na pavietranyja linii vychodzić i treci.
Čytajcie taksama:
«Biełavija» adnović rejsy na Šry-Łanku
«Biełavija» pavyšaje taryfy na pravoz bahažu