U Sievastopali zhareŭ muziej Krymskaj vajny XIX stahodździa. Rasijanie zajaŭlajuć pra ŭdary dronaŭ
Panarama «Abarona Sievastopala 1854—1855 hh.», stvoranaja na pačatku XX stahodździa Francam Rubo, amal źniščana ŭ vyniku ataki dronaŭ Uzbrojenych sił Ukrainy, paviedamiŭ kiraŭnik Sievastopala Michaił Razvažajeŭ u svaim telehram-kanale.
Budynak panaramy «Abarona Sievastopala». Fota: telehram Michaiła Razvažajeva
«Situacyja nadzvyčaj składanaja: užo ciapier bačna, što vialiki šedeŭr Franca Rubo amal źniščany. Varvary i nieludzi naŭmysna bili pa tym, što nam darahoje, sprabujučy źniščyć našu sutnaść. Tolki poŭnyja admarozki mahli pajści na takoje — metanakiravana bić pa muziei», — napisaŭ jon.
Ułasna sama panarama, pryśviečanaja padziejam Krymskaj vajny 1854‑1855 hadoŭ, Wikimedia Commons
Raniej Razvažajeŭ zajaviŭ, što na dachu budynka muzieja-panaramy pačaŭsia pažar paśla ataki Uzbrojenych sił Ukrainy. Na miescy zdareńnia pracujuć 83 čałavieki i 22 adzinki techniki vyratavalnaj słužby Sievastopala i MNS Rasii.