Bieły parašok, jaki znajšli ŭ mašynie mitrapalita Iłaryjona, akazaŭsia kakainam
Bieły parašok, znojdzieny češskimi pravaachoŭnikami ŭ aŭtamabili mitrapalita Ruskaj pravasłaŭnaj carkvy Iłaryjona (Ałfiejeva), akazaŭsia kakainam. Heta paćvierdziła ekśpiertyza.
«My možam paćvierdzić: ekśpiertyza dakazała, što kanfiskavany bieły parašok — heta kakain», — paviedamiła ŭ sieradu vydańniu Deník N pradstaŭnica palicyi Marcina Rychterava.
Na fonie hetaha hučnaha skandału patryjarch Kirył adpraviŭ mitrapalita Iłaryjona ź Jeŭropy ŭ brazilskaje zachałuście, adznačyŭšy, što dalejšaja słužba ŭ Karłavych Varach dla jaho niemahčymaja «praz abstaviny».
Ijerarcha RPC zatrymali ŭ niadzielu 24 traŭnia ŭ Čechii — u jaho mašynie byli vyjaŭlenyja «kantejniery ź biełym rečyvam».
Rasijski bok zapatrabavaŭ «nieadkładnaha vyzvaleńnia» mitrapalita i spynieńnia «hanieńniaŭ na pradstaŭnikoŭ RPC u Čechii».
30 maja mitrapalit Iłaryjon viarnuŭsia ŭ Rasiju. Ciapier zamiest jeŭrapiejskich parafij rasijskamu ijerarchu daviadziecca słužyć u Paŭdniovaj Amierycy.
Chto taki mitrapalit Iłaryjon?
U minułym Iłaryjon (Ałfiejeŭ) byŭ kiraŭnikom Adździeła zamiežnych carkoŭnych suviaziaŭ Maskoŭskaha patryjarchatu i ličyŭsia adnym z samych nabližanych da patryjarcha Kiryła ludziej. U 2022 hodzie jaho pryznačyli kiraŭnikom Budapiešckaj jeparchii RPC.
Adnak paśla hučnaha skandału, źviazanaha z abvinavačańniami ŭ damahalnictvach, Iłaryjon byŭ adpraŭleny ŭ chram śviatych Piatra i Paŭła ŭ znakamitym kurortnym horadzie Karłavy Vary, dzie pražyvaje vialikaja rasijskaja dyjaspara.