Sudovyja ekśpierty sabrali taburetku pa kavałkach, kab dapamahčy adnavić karcinu zabojstva
U siaredzinie sakavika ŭ Čyhunačnym rajonie Homiela adbyłosia zabojstva. Mužčynu nanieśli šmatlikija traŭmy, ad jakich jon pamior na miescy.
Ekśpiert u tym liku zabraŭ ź miesca zabojstva šmatlikija frahmienty dreva, raskidanyja pa ŭsioj kvatery. Mahčyma, heta byli pryłady zabojstva.
U dalejšym pierad sudovymi ekśpiertami stajała zadača vyśvietlić, ci składali hetyja kavałki raniej adno cełaje.
Pavodle vynikaŭ šmatabjektnaj trasałahičnaj ekśpiertyzy (u jakaści abjektaŭ daśledavańnia vystupili 15 frahmientaŭ draŭniny) ekśpiertam udałosia praktyčna całkam adnavić pieršapačatkovy vyhlad taburetki i ŭstanavić, što paškodžańni jana atrymała ŭ vyniku razłomu paśla ŭdaru, paviedamlaje Dziaržkamitet sudovych ekśpiertyz.
Pa padazreńni ŭ ździajśnieńni złačynstva zatrymany raniej sudzimyja žychary Homiela. U dzień zabojstva jany razam z zahinułym spažyvali śpirtnyja napoi. U niejki momant pamiž mužčynami ŭźnik kanflikt, jaki pryvioŭ da śmierci adnaho ź ich.