U Łatvii znoŭ była abvieščana pavietranaja pahroza
U sieradu, kala 5 hadziny ranicy, Nacyjanalnyja ŭzbrojenyja siły Łatvii z dapamohaj sistemy mabilnaha apaviaščeńnia papiaredzili žycharoŭ Ałukśnienskaha kraju, što na miažy Estonii i Rasii, pra isnujučuju ryzyku mahčymaj pahrozy pavietranaj prastory.
Google.maps
Pry hetym nijakich dadatkovych dziejańniaŭ ad žycharoŭ nie patrabavałasia. Dla reahavańnia ŭ pavietra byli padniatyja źniščalniki misii NATA pa patrulavańni pavietranaj prastory Bałtyi. Na hety momant pahroza ŭžo minuła, piša Delfi.lv.
Ranicaju ŭ sieradu papiaredžańnie pra mahčymuju pahrozu bieśpiłotnikaŭ paviedamili i Uzbrojenyja siły Estonii. Papiaredžańnie atrymali žychary ŭschodniaj častki krainy.