Dvuch zamiežnikaŭ zatrymali za zabojstva ŭ Minsku dziesiacihadovaj daŭniny
Zabojstva adbyłosia ŭ lutym 2015 hoda.
Tady zamiežniki raspravilisia sa svaim suajčyńnikam u arandavanaj kvatery. Adzin z abvinavačanych žyŭ z achviaraj, ale adnosiny nie skłalisia — było zanadta šmat kanfliktaŭ. Tady mužčyna vyrašyŭ zabić susieda i ŭciačy, za dapamohaj jon źviarnuŭsia da znajomych, paviedamiła Prakuratura.
U noč na 17 lutaha abvinavačany nanios tamu niekalki ŭdaraŭ siakieraj i nažom pa hałavie i šyi. Paśla hetaha jon upuściŭ u kvateru «pamahatych», jakija čakali ŭ padjeździe, i prapanavaŭ im dabić jašče žyvoha paciarpiełaha. U svaju čarhu, druhi abvinavačany nanios lažačamu na padłozie mužčynu nie mienš za dva ŭdary nažom u hrudzi.
Kali toj pamior, złačyncy pamyli kvateru i siakieru, a taksama sabrali ŭsie rečy-ŭliki. Trup upakavali ŭ koŭdru i pakiet, vynieśli z kvatery i pakinuli ŭ bahažniku. Sam aŭtamabil jany adhnali na hramadskuju parkoŭku. Arsienał zabojstva i inšyja rečy vykinuli na ŭčastku pablizu.
Biełaruś jany pakinuli ŭ tuju ž noč. Praciahły čas jany chavalisia ad śledstva za miažoj, ale dziakujučy vyšuku ź ciaham času ich udałosia zatrymać.