Valfovič zajaviŭ, što Jeŭropa rychtujecca da vajny ŭ 2030 hodzie
«U jakaści asnoŭnych vorahaŭ jany bačać Rasijskuju Fiederacyju i Respubliku Biełaruś», — śćviardžaje dziaržsakratar Rady biaśpieki.
Skrynšot: STB
Dziaržsakratar Rady biaśpieki Alaksandr Valfovič zajaviŭ, što Jeŭropa rychtujecca da vajny ŭ 2030 hodzie.
«Zachad adkryta rychtujecca da vajny. Va ŭsich stratehičnych dakumientach abo dakumientach stratehičnaha płanavańnia Zachadu zakładvajecca pačatak vajny na jeŭrapiejskim kantyniencie na 2030 hod. Jany heta zakładvajuć. Na heta naceleny ŭsie ich vajennyja biudžety. Heta ahresiŭnaja militarystyčnaja palityka Zachadu, jakaja nakiravana siońnia jak raz na padryŭ miru i biaśpieki.
U jakaści asnoŭnych vorahaŭ jany bačać Rasijskuju Fiederacyju i Respubliku Biełaruś, choć vydatna heta bačać tymi razhornutymi siłami i srodkami raźviedki, jakija razhornutyja ŭzdoŭž miežaŭ, što nijakaj pahrozy z terytoryi Respubliki Biełaruś, z terytoryi zachodnich rehijonaŭ Rasijskaj Fiederacyi ŭ adnosinach da našych zachodnich partnioraŭ niama i być nie moža», — cytuje Valfoviča STB.
Čytajcie taksama:
Valfovič śćviardžaje, što ŭzrovień niebiaśpieki na miežach ADKB praciahvaje narastać
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć