Zołatašukalniki 10 dzion praviali ŭ zatoplenaj piačory ŭ Łaosie, niekatorych zmahli vyratavać
U Łaosie vyratavali piaciarych šukalnikaŭ zołata, jakija 10 dzion praviali ŭ zatoplenaj piačory. Pošuki jašče dvuch praciahvajucca. Ludzi apynulisia ŭ pastcy z-za niečakanaj pavodki, jakuju vyklikaŭ livień, paviedamlaje Reuters.
Momant vyratavańnia. Skrynšot videa
Ratavalniki znajšli ich jašče ŭ sieradu — ludzi siadzieli, prytuliŭšysia adzin da adnaho, na skalistym vystupie prykładna za 300 mietraŭ ad uvachodu ŭ piačoru. Ale tady ich nie zmahli vyciahnuć, tamu zabiaśpiečyli vadoj, ježaj i termakoŭdrami z folhi, kab jany mahli sahrecca, pakul zastajucca ŭnutry, pisała The Guardian.
Pošuki astatnich dvuch čałaviek praciahvajucca. Mižnarodnyja kamandy dajvieraŭ prałaziać praz mutnuju vadu ŭ vuzkich prachodach va ŭmovach drennaj bačnaści, sprabujučy vyznačyć ich miescaznachodžańnie. Vada, jakaja chłynuła z-za raptoŭnaj pavodki, pryniesła z saboj piasok i žvir, tamu ŭ vadzie vielmi kiepskaja bačnaść. «Nyrcujecie ŭ kavu», — tak apisvaŭ situacyju adzin z ratavalnikaŭ. Častku vady adpampoŭvali, ale heta taksama ryzykoŭna, bo moža vyklikać abvały.
Miarkujecca, što mužčyny ŭvajšli ŭ piačoru na minułym tydni ŭ pošukach załatoj rudy.